Słownik Ślonskiwww.slownikslaski.pl
Jo sam nie byda dużo godoł, bo bych zarozki musioł iść do dom. Staro czeko z łobiadym. Jak niy puda, bydzie łostuda. Dziecka czekajom, Starego nie majom. Pies szczeko, Teść się wscieko. Jednym słowym pedzieć Musza lecieć!
W zimie je pieruchowo zima i cima je. I robić tyż co nima. A jak śniega nima to już je blank cima. Beztóż to dziecka bałwana lepiom co zima, coby kożdego blyndowoł w łepol. Stoi sie taki i blynduje kożdego, kery sie szpetnie wejrzi na niego Stoi i czeko, aż wiosna przidzie przidzie i co? i już gizda niy bydzie!
Kominiorze, kominiorze, chyto sie za knefel fto ino może. Nawet gliniorze, farorze i babiorze. Późnij ino trzy baby w brelach I szczęśliwo mosz niedziela Mono poznosz jako frela! Wiedzom ło tym kominiorze I kasujom jak za zboże Za kalyndorze... Takie som te nasze kominiorze Ftoś powiy to zabobon je Na to jo mu godom spróbuj sie Może i Ciebie szczynście sie trefi... Niy marudź chytej za kneflik!
Jedyn orzeł, ptok nad ptoki, Umysł mioł niyzbyt szyroki. W telewizjo ślypia wlepiył I tak swoja dusza krzepiył. Połoglondoł kryminały, Pogupiały serial cały, Komedyje i horrory, Film fantasy i love story. Dyć łod tego łoglondanio, Zmiyniył sie niy do poznanio I zmarnioł, że patrzeć przikro. Hned tyż skrzidła mu zaniknom!
Jedyn yjzel, czyli osioł, Kańs se swoja tasza posioł, Kaj na druge mioł śniodanie, sznity dwie i kompot z banie. Ale głod mioł pieronowy I sie wzion za żarcie trowy. Do dziś zostoł przi tyj paszy Bo se jeszcze niy znod taszy!
Dieta fest łodchudzanego, To przeca je nic trudnego! A jak już mi głod doskwiyra, Pija kawa jak siykyra, Zakurza sie cygareta, Dźwigna piwo, szczela seta. Gdy to jeszcze niy pomoże, To sie wosztu zjym w komorze! Tak to dziynnie pościć szłoby, Yno szkoda mi wątroby!
Ludzie w świynta wielkanocne, Warzom jajec pełne kopce! Kupujom tyż balerony, Woszt do grzonio i wyndzony, Jakoś kaczka i rolady I coś jeszcze na łobiady. Potym jeszcze apluziny, Liter gorzołki, parfiny, Cygarety i kroszonki I coś jeszcze dlo małżonki. Zmynczoni tym rychtowaniym, W świynta drzymiom na tapczanie. Wiync sie pytom: O Gupoto! Czy zmartwychwstoł Chrystus po to?
Pod niskim pułapym dnia pobladło, wieczór sie pumału wstróne dómu skłanio, cosi sie szarego po izbie rozsiadło, niewidzialną ścianą świat oku zasłanio. W piecu tylko ogiyń, kole serca grzeje, iskra z popielnika stare bojki prawi, teraz rzeczywistość jak dym sie rozwieje i ciepłe wspómniyni tej chwili zostawi. Zaroz też w kuminie wiater na głos płacze, zapomniane dzieje nabiyrają życio, tu grają bajkowi złocóni trębacze, wychodzą sotóny i duchi z ukrycio. A dziwy i cuda sie mnożą i żyją, choć fajka starzika coroz słabij dymi, hned wszystki rozumy sie kansi pokryją, wspómniynia i baje królują nad nimi. A szaro godzinka coroz więcyj szarnie, jeszcze wspómniyń cosi i na jutro zbyło, jyny nowo iskra ćme cicho rozgarnie i godzinkę szaróm jakby sie prześniło. Nie wrócą już isto ty chwile bajkowe, bo szare godziny wygnali do siyni, dzisio są zabawy i radości nowe, gdóż ich na te szarość cudowną zamiyni?
Szykuje Ci sie remont? A mono Chcesz se wypuzlować plac? Toś dobrze trefiył, firma Ar-Bud ci w tym pomoże. Luknij ino na ta zajta i łobocz co oferujom. Przijadom, doradzom i w dobryj cynie zrobiom.
Jeśli jesteś zainteresowany zmniejszeniem swoich rachunków nawet o 4800zł rocznie nie zmieniając swojego komfortu życia, to ta pozycja jest dla ciebie. Wejdź i zobacz jak mądry dom może zarobić dla Ciebie nawet 4800 zł rocznie. Jeżeli nie potrzebujesz tych pieniędzy ta książka Cię znudzi.
Jeśli masz chwilę czasu, to poświęć go na zdobycie wiedzy na temat inwestycji we własny dług. Długoletni kredyt na mieszkanie czy dom? Zero perspektyw by wyrwać się ze spirali długu? To już mit, jeśli weźmiesz sprawy w swoje ręce osiągniesz sukces i wprawisz znajomych w osłupienie.